នារសៀលថ្ងៃទី១៦ ខែមករា ឆ្នាំ២០២៦ ពិធីប្រកាសចូលកាន់មុខតំណែងអភិបាលរង នៃគណៈអភិបាលស្រុកកំពង់សីលា នៃខេត្តព្រះសីហនុ ក្រោមអធិបតីភាពលោក ហែម ដារិទ្ធិ អភិបាលរងខេត្ត តំណាងដ៏ខ្ពង់ខ្ពស់ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ។
តាមសេចក្តីប្រកាសរបស់ក្រសួងមហាផ្ទៃលេខ២៣៨២៥ប្រក ចុះថ្ងៃទី១៨ ខែធ្នូ ឆ្នាំ២០២៥ សម្រេចតែងតាំងលោក ភេទ សុវណ្ណ ឋានន្តរស័ក្តិឧត្តមមន្ត្រីថ្នាក់លេខ៥ ឱ្យកាន់មុខតំណែងជាអភិបាលរង នៃគណៈអភិបាលស្រុកកំពង់សីលា និងលោកស្រី ស៊ី ស្រីម៉ាច ឋានន្តរស័ក្តិនាយក្រមការថ្នាក់លេខ២ ពីអភិបាលរង នៃគណៈអភិបាលក្រុងកោះរ៉ុង ឱ្យកាន់មុខតំណែងជាអភិបាលរង នៃគណៈអភិបាលស្រុកកំពង់សីលា។
